
Yn paratoi disgyblion ar gyfer Eisteddfod yr Urdd 2027?
P’un a ydych chi’n ymarfer gyda chôr, parti, unawdydd neu ddeuawd, mae adnoddau am ddim bellach ar gael drwy Charanga Cymru i helpu i wneud yr ymarferion hollbwysig hynny ychydig yn haws.
Mae’r adnoddau’n cynnwys traciau cyfeiliant ar gyfer detholiad o:
- ddarnau i gorau a phartïon
- unawdau
- deuawdau
Ar gyfer 2027, defnyddiwyd offerynnau chwyth i gynrychioli’r rhannau lleisiol yn y traciau ymarfer. Mae hyn yn ei gwneud hi’n haws clywed hyd a siâp y nodau unigol, gan roi arweiniad cerddorol clir i ddisgyblion wrth iddyn nhw ddysgu eu darnau.
Gwrando. Ymarfer. Magu hyder.
Gall athrawon ddefnyddio’r traciau yn ystod ymarferion yn yr ysgol, a gall disgyblion hefyd eu defnyddio i gefnogi ymarfer annibynnol gartref drwy ardal ddisgyblion Yumu Charanga Cymru.
Os yw eich ysgol eisoes yn defnyddio Charanga Cymru, mewngofnodwch drwy wefan y Gwasanaeth Cerdd Cenedlaethol a dewiswch dab Eisteddfod yr Urdd i ddod o hyd i adnoddau 2027.
Ddim wedi cofrestru eto? Gall ysgolion gofrestru i gael mynediad am ddim at Charanga Cymru yma:
https://www.gwasanaethcerdd.cymru/site/charanga-cymru-ymunwch-am-ddim/
Mae Charanga Cymru yn cael ei ariannu gan Lywodraeth Cymru drwy Wasanaeth Cerdd Cenedlaethol Cymru, gan alluogi pob ysgol yng Nghymru sy’n cael eu hariannu gan awdurdod lleol i gael mynediad at y platfform addysg gerddoriaeth dwyieithog yn rhad ac am ddim.
Cynhelir Eisteddfod yr Urdd yng Ngwent rhwng 29 Mai a 4 Mehefin 2027.
Hafan